› 選擇地區
三藩市
紐約
洛杉磯
其他美國地區
香港 台灣 北美
 
2017年09月22日

發哥愛去九龍城買餸
土豪金栢芝街市買叉燒

賭王千金何超雲不時會到灣仔街市買餸,其實原來有唔少藝人都唔怕街市濕漉漉,好鍾意到街市買餸返屋企煮飯仔。

周潤發
相信好多人都知發哥係九龍城街市嘅常客,佢就曾經被傳媒影過佢同發媽去九龍城街市辦年貨之餘,亦試過同發嫂去街市買餸喇,絕對係一個好老公同乖乖仔。

劉青雲
去年2月《蘋果》就影到廿四孝老公劉青雲,獨自一人去九龍城街市買雞,為屋企準備團年飯,當時仲吸引咗好多師奶fans爭相同佢合照㖭。

鄭中基
已為人父嘅鄭中基,唔使開工嘅時候,都好住家男人㗎,好似去年大年初四俾《蘋果》影到佢坐住保母車去跑馬地街市買餸,話準備同屋企人打邊爐喎!

張栢芝
Lucas(謝振軒)同Quintus(謝振南)除咗有個煮嘢食好叻嘅爸爸謝霆鋒外,佢阿媽張栢芝都好叻㗎,栢芝仲會經常自己去街市買餸煮飯俾囝囝食,之前栢芝就先後兩次被影到去沙田嘅街市買餸,真係一個廿四孝媽媽。

相關新聞:超雲深閨專心做貓奴主人相佈滿Ig

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載