› 選擇地區
三藩市
紐約
洛杉磯
其他美國地區
香港 台灣 北美
 
2017年09月29日

失貴價Cream開Post捉賊
麻利商台遇竊:唔係第一次

曾被狂迷騷擾的商台DJ麻利,日前在facebook貼文驚爆在電台被偷竊,一盒價值逾2千元的La Mer護膚品不翼而飛,麻利爆seed寫道:「其實我已經唔係第一次俾人偷嘢。呢盒嘢,放響(喺)我個位,我只係諗住星期日要返工,星期日先搬走,返到去個包裝好似冇打開過,但裏邊最貴嘅一盒La Mer唔見咗。」
麻利用心形圈出原本面霜位置,現空空如也:「我星期五係見過裏面有乜,我好清楚。個賊偷完盒La Mer綁個蝴蝶就當冇打開過。但你偷盒嘢唔偷埋張卡片?我畀時間你放返低盒cream畀我,如果唔係我報警。」

小儀感驚訝

對於商台疑有內賊,阮小儀都驚訝留言:「吓?咁crazy?」麻利激氣答:「唔係第一次呀吓,仲有另一個苦主呀吓!」小儀:「條友識嘢兼係女呀吓。」麻利:「總之關心皮膚嘅!」記者致電麻利了解,她卻想低調處理:「唔好啦搞到咁大!唔好跟進啦,小人物小事件。」小儀則以忙工作忙開會避答;至於商台就回應:「跟麻利溝通了,我們沒有補充。」

森美擺錯位

森美被問到有否試過在商台失竊,他在電話說:「我試過以為畀人偷咗嘢,後來發現原來擺錯地方。同埋喺公司唔見嘢,呢啲小心啲囉,貴重嘢通常好少擺喺度,好多時候啲客戶會送啲嘢過嚟,咁啱客戶啲嘢係貴重嘅,會有啲咁嘅情況出現都唔定,耐唔時都會有嘅,有時原來係擺錯另外同事個位都有囉。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載