› 選擇地區
三藩市
紐約
洛杉磯
其他美國地區
香港 台灣 北美
 
2017年09月29日

莫文蔚幫星爺唱主題曲
李亞鵬為王菲伴舞

一段感情嘅結束往往總會帶往遺憾,而遺憾大多變成隔閡,正所謂「分手唔容易,放低感情更難」,而做再見亦是朋友就更加更加難,不過喺圈中都有唔少成功嘅例子。

周星馳 莫文蔚
星爺電影除咗搞笑之外,每一個時期都會有一位「星女郎」,而莫文蔚正正就係其中一位「星女郎」,仲有傳星爺同莫文蔚拍過拖,不過最後分手收場。不過佢哋最後都做到朋友,莫文蔚仲客串過《少林足球》,而近年星爺仲搵莫文蔚同鄭少秋合唱《美人魚》主題曲o添!

王菲 李亞鵬
當年嘅鵬菲戀,佢哋喺05年結婚13年分開,佢哋仲育有細女李嫣,囡囡出生時患先天性唇齶裂,其後成功接受治療,而佢哋仲成立「嫣然天使基金」。分開多年,日前佢哋出席基金嘅慈善晚宴,王菲似乎飲多咗,仲滿場飛舞后上身,而李亞鵬就為前妻伴舞。

蕭亞軒 柯震東
蕭亞軒同柯震東呢對相差12年嘅姊弟戀,佢哋喺12年拍拖,兩年半後分手,當時蕭亞軒仲話自己沒法成為柯震東要嘅小女人。不過喺柯震東涉毒案發生後,蕭亞軒仲力撐對方o添!

洪永城 唐詩詠
洪永城同唐詩詠拍拖兩年幾喺今年結束戀情,及後唐詩詠被指秘撻周焯華(洗米華)愛將盧啟邦,仲聲淚俱下否認係貪錢嘅女人,而洪永城仲喺社交網貼出關心留言,似乎再見亦是朋友。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載