› 選擇地區
三藩市
紐約
洛杉磯
其他美國地區
香港 台灣 北美
 
2017年09月30日

蒙眼一分鐘 感受失明人士困難
大肚甘比鬥紅姑 餵雪糕籌款

劉鑾雄(大劉)太太甘比懷孕約四個月,不過依然大啖大啖食雪糕,找來鍾楚紅(紅姑)一同挑戰「Ice-cream Challenge」,甘比昨日將片段放上網,在片中見到背景在劉家大宅的花園拍攝,清楚見到甘比喜歡的Pingu企鵝巨型擺設。
近日網傳一個為導盲犬協會籌款活動,性質似早年的「冰桶挑戰」,由第一個人發起,再提名三名友人接受挑戰,拍片擺上網兼捐錢,而參與方法就是二人戴上眼罩,一分鐘內互餵食雪糕,而兩人一手拎起甜筒,一手放在身後,要感受失明人士困難,及為「導盲.Guide Dog」慈善活動籌款。之前參加的名人有曾俊華及森美,之後是田北俊兄弟,而田大少就提名了甘比接力,甘比昨日就找了鍾楚紅找數。

挑機超蓮靚靚

在片段中,紅姑認真表示:「我𠵱家先知道,香港有18萬視障人士,但導盲犬就唔多過30隻。」互餵雪糕前,甘比就提名了鍾意食雪糕的林建岳、袁詠儀(靚靚)及賭王三房千金何超蓮接受挑戰,當互餵時,二人就互問手持的雪糕放在哪個位置。
紅姑更問陀住四個月大BB的甘比,為何食雪糕食得這麼快,甘比笑住答:「我日日都食雪糕,我𠵱家好似食緊啲紙巾,可唔可以搣一搣啲紙巾先。」二人最終完成,雖食得斯文但都滿口雪糕,紅姑在片尾時有點感慨:「我食晒,真係好大杯,咁𠵱家我真係感受到,原來平時做咁簡單嘅嘢,對視障人士嚟講係……我哋真係要珍惜。」
撰文:唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載