› 選擇地區
三藩市
紐約
洛杉磯
其他美國地區
香港 台灣 北美
 
2017年09月30日

唐寧包包面30年不變
莊錠欣進軍K-Pop

戴夢夢細細個就加入咗娛樂圈,以童星身份參加過唔少演出,o依家人大咗,換咗個身份繼續投入喺呢個圈子。

大家千祈唔好睇小女童星,好多人都越大越靚,唔係淨係靠細細過嘅名氣支持。好似唐寧咁,o依家35歲有一仔一女,但仍然keep得住個少女樣,驟眼睇以為佢冇長大過。

黃美棋小時候同樣都有副包包面,9歲已經同星爺拍過戲,大咗之後繼續喺娛樂圈工作,有時行下騷,早前又為HKTV拍過劇,o依家尖尖面完全係美人胚子。

李蘊曾經加入過少女組合Cream,出過組合唱片、個人單曲,又拍過電視劇。但之後好低調,幾乎絕跡娛樂圈,16年同拍拖三年嘅生意人羅章冠喺海南補擺喜酒,o依家花好多時間湊女,通常見到李蘊嘅場合,都會見埋佢兩位姊妹G.E.M.同何超蓮。

近年嘅童星,以莊錠欣就最有前途。呢個女仔喺TVB拍過劇,曾經係家燕媽媽藝術中心嘅成員,上年成功進軍韓國,加入女團Crystal Clear,成為韓星泫雅師妹。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載