蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年10月09日
馬上成為壹會員

報稱課餘做功課多過練歌
Celine姊妹檔 行騷賺外快

現年9歲「小巨肺」譚芷昀(Celine妹妹)昨日趁星期日出活動,在銅鑼灣利園為一童裝店做剪綵嘉賓,更與妹妹Dion一齊行騷,兩姊妹由父親譚順生與母親及經理人陪同到場。Celine兩姊妹大擺甫士兼送飛吻,之後由經理人陪同接受訪問,她透露首次行騷,之前更指導妹妹,她說:「佢太細,唔知點行,其實都係就咁擺甫士之嘛,飛吻就爹哋媽咪同我教妹妹。」

等Celine消息

Celine妹妹表示行騷與參加比賽都好玩,返港後的她就忙追貼功課,問到想再參加比賽嗎?她說:「都想,但當然返學先啦!」問到放學後有否練歌?她說:「多數做功課。」之前,Celine妹妹的偶像Celine Dion在twitter留言邀請她去賭城拉斯維加斯做演唱會嘉賓,問會否因當地有槍擊而有所影響?Celine妹妹就望一望經理人說:「暫時未知,我哋等緊消息。」

教妹妹唱歌

有傳《全美一叮》下屆拒絕小朋友參加,Celine妹妹聞言說:「唔會,全部人都可以參加喎,咁咪唔fair,任何age都可以參加。」問到她的三歲半妹妹可否參加?她說:「邊個都得,有天份就得。」再問會否鼓勵妹妹參加?Celine妹妹說:「佢鍾意囉,唔知妹妹驚唔驚,如果佢鍾意唱歌我會教佢,但唔會逼佢。」對於今次出席活動的酬勞,其經理人表示不方便透露:「公司接咗工作,會先問Celine嘅意願,同埋佢係學生,我哋會以佢返學為先。」
採訪:黃曉妍
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載