蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年10月09日
馬上成為壹會員

曹星如爭議勝仗 必有迴響
張繼聰:挑戰心,大家學吓

有「神奇小子」之稱的香港拳手曹星如(Rex),前晚在會展舉行的「王者對決3」跟前世界拳王河野公平決戰。雖然曹星如在第二回合因頭撼頭意外令左額有巨型腫塊,第六回合後因左眼傷勢而被終止比賽,但裁判一致裁定他以點數68:66勝出,贏得職業生涯22連勝。賽果惹來爭議,有網民質疑曹星如反敗為勝造假,但有份睇拳賽的張繼聰、陳志雲等齊撐賽果公平,張繼聰謂:「幾多連勝對佢嚟講唔係最重要,佢有挑戰者嘅心,大家應該學吓。」

採訪:魯吉、曹家誠、皓騫

攝影:仇志德、何家達

相關新聞:陳志雲撐實至名歸

張繼聰戥老友肉赤

張繼聰與太太謝安琪跟曹星如份屬老友,前晚夫婦結伴睇曹星如拳賽,事後謝安琪在facebook留言:「看到他哭,我也哭了。今天晚上我嗌爆喉嚨了。」
張繼聰昨日表示心情激動又肉赤:「睇到佢負傷應戰,網上好多人討論賽果,我覺得拳擊係有佢準則同評分方法,個裁判係有分紙同一個公正嘅判斷。睇番好多慢鏡,佢係有好多得分嘅出拳,可能好多人質疑賽果,但我覺得噚晚好感動,Rex示範咗一個好好嘅價值觀,大家可以欣賞多啲佢付出咗幾多,佢每一日好刻苦鍛煉,打完之後要承受好耐嘅傷患,痛都係佢自己痛,示範咗一種好正面、好不屈不撓嘅精神,大家應該繼續支持佢。以我認識嘅Rex,幾多連勝對佢嚟講唔係最重要,佢真係有一個挑戰者嘅心,大家應該學吓。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載