› 選擇地區
三藩市
紐約
洛杉磯
其他美國地區
香港 台灣 北美
 
2017年10月09日

陳志雲撐實至名歸

坐在葉劉淑儀身旁的陳志雲與王喜,跟全場觀眾起身拍掌支持曹星如。

陳志雲與王喜前晚結伴撐曹星如,對於有人質疑賽果造馬,志雲昨日強調賽果公平公正:「曹星如贏得好漂亮,第二回合時雙方頭部有碰撞而令曹星如左眼腫起上嚟,但佢仍然堅持打落去,嗰個撞擊唔係因為拳擊攞分而造成,而第七個回合前醫生覺得唔可以再打,基於一般賽規要停賽,要計分睇邊一方贏。佢得獎係實至名歸,唔應該質疑,係應該支持同鼓勵。」

相關新聞:林嘉欣似自己打咗場

應消化規則

志雲續說:「曹星如今次贏technical decision,係指拳手因受傷或割傷而未能繼續比賽,而受傷並非嚟自拳擊,比賽就會即時終止,並直接進入分數判定勝出者。大多數比賽都要打到第四回合以後先可以係technical decision,而冠軍賽就要過半數回合先可以。星如第二回合同對手頭撞頭,判定佢唔能夠繼續比賽嘅時候已經過咗第六回合,而佢先前回合分數領先,所以呢次佢贏technical decision。」王喜同樣力撐賽果公平,認為大家應花時間消化拳賽規則,減低質疑心態。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載