› 選擇地區
三藩市
紐約
洛杉磯
其他美國地區
香港 台灣 北美
 
2017年10月15日

局住馬鞍山海景單位?
咪神黃文意現身解畫

童星出身25歲嘅黃文意(Mandy),早前喺大台嘅旅遊節目《3日2夜》,大晒36D身材而得到網民嘅注意,仲被封為「新一代咪神」。

Mandy只係喺娛樂新聞台做主播,收入唔多,不過呢個咪神來頭認真唔簡單,原來佢爸爸喺內地搞LED燈生意,有「LED燈大王」之稱嘅黃裕發,保守估計身價超過10億港元。

不過Mandy為免招人話柄,所以佢好少同人講屋企嘅背景,出入大多數坐地鐵或者巴士代步,甚至喺IG貼圖,亦多數係自拍嘅個人大頭相,又或者係一啲贊助嘅商品相,絕無豪宅大晒冷,點知最後都被起底。

昨日凌晨Mandy喺IG貼咗一篇千字文,佢未有否認自己係「億萬千金」嘅身份,佢話自己嘅零用錢係以前做幕前、幫人補習同打工儲返嚟,屋企人同佢都好節儉,希望佢依靠自己嘅能力去追尋夢想!

Mandy寫道:「首先,我希望大家會以很中立的角度看待我,問心我從小讀的每間學校,以及我去見的每份工作,都沒有可能是靠關係所得到。我很努力地去建立人生的每一個成就,請求大家不要標籤我是個得來全不費工夫的人。」

對於報道指佢身為「億萬千金」,又鍾意海景單位,所以早排一個人搬入月租兩萬幾嘅馬鞍山寓所,仲有司機揸架五百幾萬豪華房車接載,Mandy就話「馬鞍山有很多屋苑,甚至公共屋邨都是海景單位,當初因為我申請不到中大宿舍,而且有很多中大同學租住我身處的屋苑,所以我才搬進去。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載