› 選擇地區
三藩市
紐約
洛杉磯
其他美國地區
香港 台灣 北美
 
2017年10月15日

大肚甘比一家四口行街
兩架LOVE字頭車隨時候命

37歲嘅甘比(陳凱韻)同66歲大劉(劉鑾雄)結婚後,成為香港女首富,早前宣佈懷有第三胎。今日下午五點幾,腹大便便嘅甘比同媽媽現身銅鑼灣希慎廣場陪伴一對仔女購物。

甘比懷孕5個多月,穿上連身裙個肚已經好明顯,佢戴住草帽,仍未失少女味;而8歲大女秀樺同4歲細仔仲學都係穿上運動服,估計係返學後去行一陣街。甘比媽媽拖住秀樺行前面,而甘比就拖住仲學跟在後面,仲學一邊行一邊食雪條,眼仔碌碌,同爸爸一個餅印一樣。而身邊就有一位保鑣貼身保護,仲幫手拎咗一大袋卡送畀小朋友嘅禮物,難怪見到仲學個開心。

廣場門外,更預早有「1LOVEYOU」和「1 LOVEU2」一白一灰嘅七人車及數名保鑣守候,未見到甘比等人,其中一名保鑣已不停用手機與另一人互通短訊,似乎通報「主子」準備離開,所以開定車門畀佢哋上車,由於喺繁忙時間,氣氛頗緊張。甘比媽媽最先坐上「I LOVE U2」灰色七人車,並「自動波」爬入最後排位置,而大女同囝囝就同媽媽坐中間位,仲學見有人影相,仲探頭張望,非常得意。而其餘保鑣則上了另一架白色車離去。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載