蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年10月25日
馬上成為壹會員

《亂世備忘》震驚日本評審
陳梓桓抗拒合拍片 嫌扼殺創意

【《蘋果》專訪】導演陳梓桓以手上3,000元的攝影機,紀錄了14年雨傘運動一幕幕場面,輯成紀錄片《亂世備忘》。本月中,陳梓桓在日本山形國際紀錄片影展贏得「小川新芥獎」,同時獲日本片商接洽。對於合拍片,他自言「唔鍾意玩呢個遊戲,呢個唔係創作。」

攞獎感意外

獲獎回港後,陳梓桓在黃竹坑的工作室接受訪問:「工作室係同藝發局用優惠價租,今次攞獎都好意外,同評判傾過,佢哋電影節較鼓勵抗爭嘅片。日本年輕人比較政治冷感,參與政治嘅都係50、60歲嘅人。評判見到香港一班20歲年輕人公民抗命、鬥爭,令到佢哋好震驚。」獲獎後已經有日本發行商接觸。他透露《亂》片在台灣已在電視上播放,反而香港仍未有戲院肯上映,他又慨嘆香港仍容不下設立一個紀錄片獎項。
訪問中,陳梓桓分享一個有關紀錄片題材的事實,聽來有點諷刺,他說:「內地嘅紀錄片好好,因為隨便攞一部機出嚟拍,已經充滿有趣人物同令人好氣憤嘅社會現象,呢個係內地嘅客觀條件。香港已經向呢個方向行緊,作為一個紀錄片拍攝者,唔知應該開心定唔開心。」

新片籌經費

陳梓桓表示下一步計劃拍紀錄片《憂鬱之島》:「想呈現畀觀眾係一個劇情片,一半會有大家認識嘅演員。但係三個人物會係真實,佢哋有關香港歷史回憶,會用劇情拍番出嚟。」拍攝目的是想提醒港人,香港從來都是一個有不同身份、政治看法的人,匯聚的地方,但目前由社會到官方都變得單一,希望藉《憂》片提醒港人,香港是如何一步步走到現在。《亂》片拍了5萬元,《憂》片預計要300萬元成本,目前只籌到約30萬,他說:「其實都定咗自己方向,唔會嘗試拍合拍片,或者寫一個劇本,去內地搵批文呢種模式。未必同政治有關,係自己唔鍾意玩呢個遊戲,不停審查你,呢個唔係創作。」他承認當關掉商業跟合拍片這道門,自己去想辦法敲別的門。
採訪:何永寧
攝影:林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載