› 選擇地區
三藩市
紐約
洛杉磯
其他美國地區
香港 台灣 北美
 
2017年10月27日

【敢言惹火】講笑玩大咗 辣㷫祖兒

杜汶澤一向心直口快,亦因為近年娛圈也變得政治化,很多藍絲與黃絲的對立令敢言的阿澤成為一個標誌。

相關新聞:【人生寒冬】拍《空手道》找回初心

【容祖兒】14年3月

阿澤於伍樂城的音樂會棟篤笑:「早兩年問佢老細楊受成,𠱁佢攞錢拍《DIVA華麗之後》,我同佢講部戲一定捧祖兒做影后,結果佢做唔到影后,但我攞咗影帝。」結果辣㷫祖兒,祖兒在fb喪鬧阿澤:「你就是我在娛樂圈中唯一一個討厭的人!」

【王晶】14年10月

因為傘運而化身藍絲的王晶(右),當日於微博宣佈與杜汶澤、何韻詩及黃秋生斷交,阿澤事後雖然在fb多謝對方帶挈自己搵到半層樓,但之後受訪仍不忘寸王晶:「又唔見佢講周潤發?佢份人,我好明。」

相關新聞:【轉搞網媒】捧起Double May

【王征】15年1月

亞洲電視當日已經兩個月未能出糧面臨倒閉危機,當時老闆王征聲言已完成歷史任務,阿澤聞言鬧爆:「乜嘢叫歷史任務?你𠵱家係做生意,𠵱家有人攞支槍指住你,逼你去買電視台咩?冇本事出糧就唔好叫自己做老細。」

【曾志偉】今年4月

獲金像獎最佳男配角的曾志偉疑在台上寸姜皓文(黑仔)說:「黑仔!畀心機,我一套撼你二十六套,跟住就係你喇!」結果阿澤為撐黑仔,在fb留言:「最佳男配角個個都應該攞,除咗曾志偉。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載