› 選擇地區
三藩市
紐約
洛杉磯
其他美國地區
香港 台灣 北美
 
2017年11月01日

喪女痛心 發哥裝平靜安慰
發嫂感恩:上天畀個好老公我

【我老公係發哥連載系列 之2 歐遊散心】周潤發太太陳薈蓮(發嫂)最近接受本報連載專訪,頭炮首談用了7年時間始撫平喪女之痛,今回發嫂說到夫妻經歷了那件事後,加深體會到老公體貼入微,當時為免發嫂有壓力,就帶她去歐洲旅行個多月。至今兩人膝下猶虛,發嫂解釋並非有陰影。
經歷了不幸事件後,發嫂感受到丈夫的疼錫:「我係好感恩,上天畀到一個咁好嘅老公我,其實嗰件事後,我要7年時間去平復,你估我老公時間會畀我短咩?不過佢係一個乜都放喺心嘅人,當時仲要強裝平靜去安慰我,嗰刻好多記者喺我哋屋企,同埋去到邊度個個人都會問,發哥就即刻帶我走,冇坐月就即刻帶我離開香港。」

相關新聞:發哥錫老婆親砌BB床

發媽沒施壓

發哥放下工作陪老婆去歐洲散心個多月,發嫂說:「度假返嚟,呢個唔可以去erase咗佢,加埋我又整咗個BB房,返嚟日日睇到都有眼淚,因為真係好渴望有呢個女。」
問到多年來都沒再生小孩,是否有陰影?發嫂淡然說:「周潤發嗰刻忙到咁緊要,忙到一部接一部接落去,諗都冇機會去諗,講係一個陰影,冇㗎。」
雖然無子嗣,但發哥和發媽從沒給壓力,發嫂忍着淚水說:「好感謝喺個過程,好多人好愛錫我,但係個經歷呢,我唔知點解嗰刻我冇喊,好……」她已說不下去。稍為平復後續說:「早排去到一間診所,有個姑娘,佢問我『你個女點呀?』」發嫂苦笑,用紙巾抹眼角說:「我話我個女死咗喇!」能如此坦然面對,證明真的放下了。發嫂表示因為是現實:「過去就過去啦!冇所謂,我畀唔到呢個我應該有嘅女,但我可以散出去畀第二啲人。」

將愛分給人

問有否考慮收養?發嫂說:「唔需要收養,我有呢個愛,我可以畀好多人,總言之有呢個心,就得㗎喇。」之前發哥夫婦曾與一位年約16歲的男孩出街,被認定是兩人的養子,發嫂澄清:「我個妹嘅仔嚟㗎。」
採訪:陳月媚、倩宜
協力:林德雄
髮型:Byron Ho、Louis
化妝:Fiona To
場地提供:香港嘉里酒店

相關新聞:15集連載 發嫂揭秘史

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載