› 選擇地區
三藩市
紐約
洛杉磯
其他美國地區
香港 台灣 北美
 
2017年11月01日

【雙宋結婚‧動畫】
姊弟戀隔4年好意頭 A型血慳家愛儲錢

宋仲基、宋慧喬終於拉埋天窗喇!雙宋走到結婚呢一步,都經歷咗好多嘢,由愛得秘密,到突然閃婚,當中爆出過好多傳聞。

首先,雙宋經常被人談及係姊弟戀,雖然喬妹年紀大啲,但係好在佢哋年齡差距係四年,即刻變得好意頭!韓國人有個小迷信,男女年紀相差四年,係結婚最夾年齡,夾到連八字都唔使睇!

相關新聞:Chaumet婚戒曝光喬妹7萬花球貴過鑽戒

雙宋仲有一點好夾,都係A型血!喬妹宣傳《太陽的後裔》嗰陣,喺記者會話宋仲基比劇中角色柳時鎮更深沉,因為佢係A型血。韓國人覺得血型代表某啲性格,以A型血為例,代表謹慎、細心、體貼、有耐性等。而最緊要係夠慳家,鍾意儲錢,再加上雙宋嘅吸金勁度,韓媒估計,雙宋嘅資產超過千億韓圜,近7億港幣!喬妹又真係唔會亂咁洗錢,喺韓國娛樂圈堪稱「地產女王」,坐擁幾百億韓圜物業。宋仲基都唔少嘢,年初洗100億韓圜,約6800萬港幣,喺首爾梨泰院洞買咗單幢式住宅。

至於雙宋成婚之路係點?請去片。

相關新聞:夫妻同心齊著Dior行禮宋慧喬宮廷婚紗變身典雅新娘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載