› 選擇地區
三藩市
紐約
洛杉磯
其他美國地區
香港 台灣 北美
 
2017年11月03日

聖誕舉家出埠 黎姿湊女凍齡

現已改名馬黎珈而的黎姿、古天樂、宣萱、梁詠琪、徐子淇、蘇麗珊、徐濠縈、苟芸慧和男友陸漢洋等,在灣仔會議展覽中心出席「ELLE Style Awards 2017」活動。
黎姿接受訪問時,再次提到改名的原因,她表示是希望寓意如意吉祥。被指凍齡的她望落一點都不像46歲,她笑言:「因為三個小朋友都好細,成日扭抱,成日要抱佢哋,又唔捨得唔抱,想成日都攬住佢哋,個人瘦咪可能望落後生,其實凍齡最緊要係心態。」

古仔康復理想

經常跟小朋友去playground及親子班的黎姿,覺得這令自己感覺充滿活力,人看來會較後生及開心了,又不忙替自己公司賣廣告:「同埋加埋醫學美容囉,我係公司白老鼠,每一樣都會試,自己試係安全保證。」聖誕節將至,她透露正計劃舉家旅行,外出輕鬆一下,當作是親子活動。
曾合作拍劇集《寵物情緣》的古天樂跟宣萱,一起接受訪問時不時開玩笑。早前古仔拍攝電影《真.三國無雙》導致眼球受傷要縫8針,他說:「康復理想,不過原本係縫8針,但醫生檢查嗰時話唔見咗一針。冇影響視力,亦唔影響拍戲,不過事後要用特技執走個傷口。」古仔自言今趟確實要還神,但不會因此放棄動作片,因為沒有人會故意傷害你。

宣萱貪靚拗腰

拍照時,宣萱拗腰動作有點不自然,她笑說:「唔係傷,不過人哋話S形影相靚啲,我擺甫士箒。唔擔心古仔康復情況,最緊要佢冇死箒。啱啱睇過佢個傷口,估唔到眼球原來可以縫針。」被問到二人會否再次合作時,宣萱表示要先等古仔康復。
另外,除苟芸慧與男友陸漢洋外,同場亦有另一對情侶胡子彤跟歐鎧淳,胡子彤被問到一齊出席,報酬是否會較高?他笑言不清楚。講到近日工作,他表示即將接拍港台的工作:「電影傾緊,遲啲會出席新加坡一個電影節。」
採訪:張俊銘、羅慧敏
攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載