› 選擇地區
三藩市
紐約
洛杉磯
其他美國地區
香港 台灣 北美
 
2017年11月05日

自爆歡笑背後「其實食行藥」
張繼聰Kay女尊男卑 患重抑鬱

原是創作歌手的張繼聰幾年前在《老表,你好嘢!》中憑爆肌、搞笑爆紅,成功在電視及電影圈殺出血路。阿聰昨日凌晨在facebook貼出老婆謝安琪(Kay)在「2009年度叱咤樂壇頒獎典禮」獲得女歌手銀獎的片段,並自爆當時與Kay都患有抑鬱症,他形容當時在鏡頭前表現輕鬆,但生理及心理皆異常辛苦。

望助情緒病友

阿聰文中透露:「片中所見嘅我,其實當時食行藥,所以好口乾、好頭暈、好攰,個cam又起勢隊住,同時又好感動,好替太太開心,好想抱住佢,再同時好驚好怕,好擔心食白果嘅我唔知又會俾人點嘲笑……同時台上嘅太太,成晚雖然得到好多個獎,其實當時嘅佢抑鬱病都好猛烈,承受好大嘅壓力。」原來當時阿聰和Kay同時患情緒病,相信來自被指「女尊男卑」,而Kay屢受整容傳聞、走音是非困擾。
昨日阿聰接受電話訪問回應表示,貼文是希望幫助香港有情緒病朋友,他說:「希望透過自己經歷,畀到少少鼓勵或者能量,一啲可能經歷緊唔開心嘢嘅朋友。」他希望香港人生活得開心點,因為「開心」是可以傳染。

執房比喻治病

阿聰透露先是靠藥物,之後禪修,又遇到好多人給予幫助,但最終都要靠自己放棄一些執着,他打比喻道:「如果你要間房陽光普照,你都要執乾淨間房。嗰幾年係執乾淨間房,審視乜嘢係重要,執乾淨之後,當陽光射入嚟,感覺好開心自在。」他忠告情緒病朋友,要當患病是個機會去執拾間房:「如果有啲嘢好痛苦,放低佢慢慢再去行。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載