› 選擇地區
三藩市
紐約
洛杉磯
其他美國地區
香港 台灣 北美
 
2017年11月05日

20億人妻林夏薇晒美腿
谷胸呂慧儀孖蟹籽嬉水

千禧年代嘅人妻,唔再好似以前咁守舊,有好嘢都會大方公諸同好,昨日,就有兩位人妻喺社交網展現佢哋魔鬼嘅身段。

一子之母嘅呂慧儀,囝囝「蟹籽」今年已經3歲大,呢位火辣媽咪昨日喺ig上載佢同囝囝去游水嘅相,見佢連續3張連環圖,仲唔小心俾囝囝踢水嘅水花濺面,好陰公豬。呂慧儀留言:「當我以為可以好好地拍照,有粒蟹籽漂過,然後…佢踢水…#連環圖 #冇仇報 #好無奈 #當媽的無奈」不過,大家焦點卻落在呂慧儀嘅美好身材,佢半身浸水,招牌「長腳蟹」喺水中,而34C嘅迫爆上圍就表露無遺,有網民表示:「流晒鼻血!」

另一人妻林夏薇,前年嫁咗俾身家逾20億嘅金融才俊莫贊生後,就開始減產,一年先拍一部劇,其他時間就係過住吃喝玩樂嘅少奶奶生活。而夏薇嘅騷身材之數,亦隨住幸福指數上升而不停post相,皆因全泳裝照都係由老公操刀,林夏薇當然最放心。昨日佢又係微博貼咗一系列嘅鮮紅色單肩一件頭泳衣,喺岸邊擺誘人甫士,晒白滑長腿同香肩。林夏薇留言﹕「充飽電,再出發!#超愛陽光海灘##滿滿正能量」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載