蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年11月06日

ViuTV搶過檔
阿澤開節目 台灣探討民情

17,680
杜汶澤之前為奇妙電視主持《杜汶澤食住上》反應熱烈。資料圖片

杜汶澤之前為奇妙電視主持的《杜汶澤食住上》贏盡口碑,令到阿澤成為電視台搶手貨,近日ViuTV贒中阿澤,力邀他主持全新實況娛樂節目《走佬去台灣》。阿澤90年代因為避賭債而避走台灣一年,今次阿澤到台灣會重遊舊地,重溫當年走佬生活,阿澤又會為當地綜藝節目做茄喱啡、到夜場和大學示範媾台灣妹。節目暫定10集,日內阿澤將出發去台灣拍攝。

走佬一年

節目監製吳繼業日前表示,由於近年多港人移民台灣,他們想製作一個節目了解港人在台灣實際生活是否適合,後來他跟好友阿澤飯敍時提及此節目,阿澤感到有興趣,指20多年前自己因欠大耳窿錢而避走台灣一年,吳繼業說:「佢話佢住咗一年,都有啲生活上嘅體驗,亦感受到呢個地方一啲人情味,之後佢做電影,亦提名咗4次金馬獎,呢個地方對佢好似有啲連繫咁。」
阿澤昨日則透露ViuTV新節目是他設計:「因為我年輕時走過佬去台灣,而我呢幾年又覺得有好多香港人好似我咁,如果有機會,睇吓有冇方法移民去第二度。所以我諗番起,其實台灣都係一個選擇!所以我想去探索一下現在嘅台灣適唔適合我,或者其他香港人移居!會帶大家去睇吓樓,又會去睇吓有乜工作機會,衣食住行乜都探索一下!」
採訪:魯吉、陳杰

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載