› 選擇地區
三藩市
紐約
洛杉磯
其他美國地區
香港 台灣 北美
 
2017年11月09日

拉闊騷群星撐 讀信點中死穴
千嬅飆淚 祝福開腦歌迷

楊千嬅前晚在灣仔會展舉行「一千零一個楊千嬅的故事」拉闊音樂會,獲父母、胞弟、老公丁子高、林欣彤等捧場,王菀之、鄧小巧、顏卓靈、C AllStar成員On仔等任演出嘉賓。音樂會以音樂劇形式演繹歌曲,中段千嬅手拖小男孩上台,唱完歌後男孩準備落台,千嬅對他說:「你好似有一句要同我講喎?」男孩即回頭說:「請你滾落去。」千嬅聽罷即大笑,其實男孩是要說《滾》中的歌詞「滾出去」。

粉絲學寫「楊千嬅」

笑完之後,轉玩催淚,大會給千嬅一封信,讓她讀出,信是由一位住在荷蘭的港人所寫,內容提到其女兒今年做了開腦手術,但手術失敗,昏迷了一段時間,最近蘇醒,現正做復健,過程中學寫的第一個字就是「楊千嬅」三個字,千嬅一邊讀一邊喊:「有冇搞錯,點解你哋唔等我做完個騷至拎出嚟呀!唔好意思,祝你早日康復!」

私下拍片鼓勵

千嬅於音樂會結束後接受訪問,她說:「直情癲咗啦!我都呆咗,商台喺facebook結集好多歌迷嘅信,拎咗其中一封,之前我做探訪,亦有好多畀我好深刻印象嘅歌迷,每個人都自己嘅故事,好令人感動。」
此外,千嬅昨晚在中環出席港台活動,再提到讀信感動落淚事件,她說:「網上知道唔少fans識得嗰位事主,噚晚現場片段已經傳咗畀對方睇,𠵱家公司搵緊佢嘅聯絡方法,我會私下拍片鼓勵佢,希望早日康復。噚日我係以媽媽身份讀嗰封信,所以喊到收唔住制。」
採訪:黃曉妍
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載