› 選擇地區
三藩市
紐約
洛杉磯
其他美國地區
香港 台灣 北美
 
2017年11月09日

宋仲基愛黑白調
喬妹Ig隱藏老公作品

韓國神劇《太陽的後裔》嘅宋仲基同宋慧喬上周二結婚,兩人婚後兩日先出發到西班牙度蜜月,當中喬妹曾上載一張黑白照,照片中喬妹嘟嘴向老公撒嬌,十分可愛。

由於今次蜜月之旅只得雙宋兩人,唔多見佢哋有工作人員隨行,所以喬妹嘅新相就必定由老公宋仲基操刀。而時尚雜誌《VOGUE》嘅工作人員就透露,原來去年宋仲基同《VOGUE》來港進行拍攝時,一向鍾意影相嘅宋仲基就向工作人員點樣喺黑暗嘅地方拍攝好嘅黑白照,傳授秘訣畀大家。

而因為喬妹日前上載咗呢張黑白相,所以令到呢位工作人員就不禁指睇住呢張黑白相,就令佢回想起宋仲基愛拍攝「黑」調相片嘅風格,工作人員話:「雖然0依家先講出來,但喺當日《VOGUE》拍攝結束後,喺同工作人員嘅聚會上,宋仲基亦有同編輯提到自己想快點成家立室嘅願望。」

該名工作人員仲喺韓國版《VOGUE》官方網頁撰文推斷,話發現喬妹嘅Instagram由去年開始已有不少黑白相,大部份都唔係自拍照,而係有人變身攝影師,為喬妹留倩影,更大膽估計當中黑白照而又有構圖嘅相片都由宋仲基操刀,可見喬妹係宋仲基嘅繆思女神,從中可以睇到宋仲基鏡頭下嘅喬妹有唔同嘅面貌。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載