› 選擇地區
三藩市
紐約
洛杉磯
其他美國地區
香港 台灣 北美
 
2017年11月10日

同髮型化妝師掃九龍城
發嫂醉酒 發哥問罪斬手指

【我老公係發哥連載系列9之快樂團隊】發嫂(陳薈蓮)今回帶大家去了解其半個「娘家」九龍城,掃街、逛街市。想一睹發哥(周潤發)和發嫂風采,去九龍城街市命中率會好高,因為他們經常去九龍城買餸和吃飯,好像永富鮮果專門店是他們御用水果店,方榮記火鍋店的手切頂級肥牛,發哥最愛外賣回家打邊爐。至於買糧貨和臘味,他們就喜歡惠顧新三陽和金城海味店。

年輕好玩

今次發嫂就帶同髮型師Byron、Louis和化妝師Fiona來玩轉九龍城,Fiona是發哥拍《無雙》時幫手做化妝,現在幫埋發嫂,當日,兩男一女陪住發嫂,四個人玩到笑不停口,難怪發嫂笑言:「跟埋佢哋多啲,識咗好多年輕人嘅嘢,自己都會後生啲,佢哋好好玩。」話口未完,發嫂又玩Fiona,大爆Fiona花名叫「魚旦」,一講到魚旦就忍不住笑。
拍攝期間,發嫂會向「魚旦」爆seed:「唔做嘢㗎,印啦,好唔掂,天黑啦,又係屋企玩餐懵,真係攞命吓,魚旦,幾點?」當「魚旦」在茶餐廳提議叫發哥找數,發嫂又笑笑口:「你想死,死幾次,我同你哋都係打工仔,老闆係發哥。」原來發哥在場時,他們不敢笑,要發哥不在才夠膽與發嫂放鬆玩。

酒後狂笑

鏡頭面前可能覺得發嫂嚴肅,其實鏡頭過後十分nice,發嫂在溫哥華陪發哥拍《無雙》時,與他們三人打成一片還喝醉酒:「我哋拍《無雙》好開心,為咗佢哋醉咗兩次,跟住俾發哥話,佢講笑問:『邊個部門阿頭出嚟,邊個畀佢飲酒,要斬手指。』我哋玩得好癲,醉咗會一路狂笑,同佢哋至癲。」

採訪:陳月媚、倩宜
攝影:陳順禎
協力:林德雄
髮型:Byron Ho、Louis@Hair Culture
化妝:Fiona To
場地提供:香港嘉里酒店

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載