› 選擇地區
三藩市
紐約
洛杉磯
其他美國地區
香港 台灣 北美
 
2017年11月10日

徐子淇20萬買展品
杜如風縱橫遊照出團

杜如風、宣萱、麥秋成和郭秀雲與兒子龐景峰昨晚現身尖沙嘴,出席保護遺棄動物協會20周年的慈善動物藝術展活動,當中恒基千億新抱徐子淇以20萬元投得藍色巨型小狗展品支持。

「佢哋都係受害者」

旅遊達人杜如風對於合作的旅行社縱橫遊遭黑客入侵客戶數據庫盜取資料,並收到勒索電郵一事,問到會否影響與對方合作的旅行團?她說:「未知,因為未開始,𠵱家籌備緊,自己都係睇新聞知呢件事,佢哋都係受害者,仲畀人勒索一百萬,都唔關佢事,佢哋報警,無啦啦畀人hack咗。」
問到旅行團的進展?杜如風透露:「訂緊餐廳,大浸浴旅館,呢度冇受影響,希望警察快啲搵到真兇,件事真係好無辜。」再問會否擔心資料外洩?她表示不擔心:「之前都係畀名佢哋,證件同信用卡都冇畀,唔使畀錢。」對於管理電腦,她笑言是電器殺手:「自己好冇記性,用開一個密碼,電腦唔放私人嘢,有相攞晒出嚟,平時冇乜私隱,都係旅行相。」

吳綺莉少做運動

此外,郭秀雲透露與吳綺莉每晚都會短訊保持聯絡,之前更一起去潛水,她說:「潛完第日朝早佢起唔到身,晏晝話郁唔到,可能少做運動,會逼佢多啲做gym。」會否陪對方散心?郭秀雲說:「唔一定,如果為咗呢個目的好戇居,唔使開解,幾個女人一齊好多嘢講。」
採訪:馬建華
攝影:林嘉銘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載