› 選擇地區
三藩市
紐約
洛杉磯
其他美國地區
香港 台灣 北美
 
2017年11月13日

關智斌東京連續蒲同志吧

【爆相爆片】下月踏入37歲的「小斌女」關智斌(Kenny),跟張敬軒的十年斷背緋聞疑斷纜,近年轉戰內地的Kenny撈到風生水起,但跟親密好友軒仔的感情似越行越遠。日前Kenny撇甩軒仔遊東京,重點行程是去新宿的同志吧尋開心,更連蒲兩晚被讀者陳先生撞到正,透過「爆相爆片」分享他被仔圍的high爆樣。

相關新聞:男神容易被傳「斷背」?彭于晏都中招

現場多日人

讀者陳先生在電話說:「我喺同志蒲點新宿二丁目嘅Arty Farty,見到Kenny連蒲兩晚玩得好開心,佢身邊有兩、三個香港朋友,呢間同志酒吧比較多日本人去玩,可能少香港人捧場嘅關係,所以Kenny玩得好放心,見到佢喺舞池勁high跳舞。」

有少少醉意

雖然近年不少藝人公開「出櫃」,但Kenny依然性向成疑,從讀者提供的「爆相爆片」,同志吧內幾乎清一色男人,不知Kenny現身有否被仔撩?陳先生表示:「我就唔覺有同志埋佢身,現場都好逼人,佢着得唔係太突出,所以冇乜男人留意佢啩。」問到Kenny是否拖全男班去蒲?陳先生說:「佢有兩、三個朋友一齊玩,都係男人,朋友行開咗,佢就自己喺度跳,一個人都好開心,見到佢有少少醉意,所以都跳得比較high,我凌晨兩點幾走,佢都仲未走。」其實Kenny亦有在社交網貼出東京旅行相,除了去追逐紅葉之外,又到箱根浸露天溫泉,但他未有透露到同志吧玩。而Kenny貼出赤膊浸溫泉相,引來網友抵死留言:「這樣很容易讓粉絲流鼻血。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載