蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年11月14日

發哥都係單親 加速成長要唯美
發嫂11歲睇住阿媽離家
「冇再見過」

91,641

【我老公係發哥連載系列之遺憾童年】周潤發太太陳薈蓮接受本報連載式專訪,今次說到童年往事,原來發嫂有過一段不快樂的童年,在11歲那年的一個晚上,她目睹父母吵架,之後母親更離家出走,臨走只拋下一句:「你係大家姐,要好好照顧弟妹!」從此她都沒有再與媽媽相見,當時發嫂爸爸將她與妹妹送到嫲嫲家生活,帶着遺憾度過童年。

周潤發年少喪父,一直缺乏父愛,他與哥哥、姊姊及妹妹四人全由母親一人獨自撫養長大,發哥小時候就要賣小食幫補家計。想不到出身於富裕家庭的妻子陳薈蓮,其實與他是同病相憐,發嫂母親在她只有11歲時就離家出走,年幼就缺乏母愛的發嫂,一直以來希望將來可以做一個好母親,可惜天意弄人。

受媽咪影響

出生於新加坡一個富裕家庭的發嫂,從小在一個大家族中成長,她和四個弟弟及一個妹妹本來跟着父母過快樂生活,直至她11歲時父母離婚,童年產生巨大變化。沒有父母在身邊的發嫂,和妹妹被安排去嫲嫲的家中生活,發嫂接受專訪時說:「媽咪好早改嫁咗,我諗當時自己得11歲,最細嗰個細佬得兩歲,日日就喺門口等媽咪返嚟,我媽咪離開我哋嘅時候係好靜雞雞。係得我一個人睇住佢執個包袱走,That's why佢影響力好大,因為我媽咪係好叻煮餸,我有好多嘢好似佢,但唯一樣嘢我可以講,我今日可以堅持好多嘢,係媽咪教嘅,我媽咪係好tough,做乜嘢都係perfect,煮餸都好好,執嘢都好好,每一件衫都要好齊整。」
問發嫂當時有沒有問媽咪為何要走?發嫂表示:「冇喎,我哋嗰一刻未知好多嘢。有一晚我因為要考試讀到凌晨5點半,爸爸同媽咪嘈起嚟,嗰刻我睇到佢哋嗌交,之後阿媽執包袱走嗰一刻呢,我都仲可能好細,唔係好明做乜嘢要咁,佢臨走時唯一同我講一句話就係你係家姐,要照顧好細佬妹。」

要識原諒人

問當時會否憎恨媽咪丟低弟妹呢?發嫂說:「我冇怪佢!人生係咁㗎啦,唔代表佢做唔到你阿媽,走咗你就會憎佢。所有嘢都有一個原因,做人我諗最緊要識得原諒人,咁𠵱家知道佢好開心,有另外一個家我都戥佢開心嘅。之後雖然冇再見過,但8年前有通過電話,講咗成兩粒鐘,互相講吓近況。」聽說發嫂媽咪後來再嫁給一個當地富豪,不方便與前夫家人有太多來往,所以發嫂也不勉強。
採訪:陳月媚、倩宜
攝影:郭賢興
協力:林德雄
髮型:Byron Ho、Louis of Hair Culture
化妝:Fiona To

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載