› 選擇地區
三藩市
紐約
洛杉磯
其他美國地區
香港 台灣 北美
 
2017年11月23日

【馮仁昭四圍超】楊怡、羅仲謙生B預言讚好

楊怡同羅仲謙噚晚喺時代廣場,為史諾比聖誕主題開幕做主禮嘉賓,兩公婆「合體」掘金,謙謙話同老婆有一段時間冇齊齊工作:「有一段時間,冇一年咁耐,反而好耐冇同太太拍戲,想同佢一齊合作拍劇。」在旁嘅楊怡就提到最近忙返無綫拍劇:「停頓咗兩年冇開劇,要追番節奏。」

聖誕或留港

講到兩人各有各忙,會唔會影響造人,謙謙即講笑:「係,社會真係好難做人,嚟緊呢段時間留喺香港耐啲,希望喺香港過聖誕,大家都鍾意一家人熱鬧。」喺活動入面,楊怡提到想去聖誕老人村,但今年成事機會唔大:「今年抆啲,計劃同家人去,拍劇拍到12月,之後大家都要開工,家姐已搵定我開聖誕派對,𠵱家仲心大心細,留喺香港定去第二度。」
有堪輿學家講到佢哋喺出年同後年先有機會造人成功,謙謙笑言有留意報道,而楊怡亦表示有聽過:「承你貴言,個range好闊,自己都想,係天意。」提到方逸華死訊,佢就話:「啱啱先知,希望對方一路好走。」楊怡話同方小姐接觸唔多:「入行時候,方小姐已經係好高高、高層,只係熟識佢,希望身邊人平安同節哀順變。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載