› 選擇地區
三藩市
紐約
洛杉磯
其他美國地區
香港 台灣 北美
 
2017年11月23日

教煮餸到開私房菜
鼎爺4個月穩賺千萬

現年72歲嘅李家鼎,因為舊年主持節目《阿爺廚房》,重現50、60年代家常菜煮法,令節目大受歡迎,鼎爺喺節目上使出超凡刀功,對餸菜嘅認識令唔少觀眾對佢大為改觀。而鼎爺之名,除咗武術同馬術之外,仲多咗個廚神之名。

挾住「廚神」之名,鼎爺人氣急升,商演同廣告嗰啲多咗好多,《阿爺廚房》更添食再拍,不過真正「入肉」嘅,係鼎爺喺今年書展推出嘅食譜,賣斷巿不特止,加印之餘仲成為相關出版社當時最銷書籍,認真威水!

而喺今年9月,首間鼎爺私房菜亦誕生,未正式開業已經預約爆滿至年尾,好多人慕鼎爺之名而來。睇番啲資料,鼎爺私房菜設有最低消費,人均使消費最少為$1,000,消費滿$20,000,除咗可在VIP房用餐,仲可以一嚐由鼎爺親自下廚嘅餸菜。私房菜每晚只招呼80位客人,由佢開業(9月3日)至今年年底(12月31日嚟計),唔休息的話就做足120日,一晚收入最少為$80,000(80人 x $1,000消費),講緊呢4個月內,鼎爺最少穩袋960萬!呢個係講緊最低消費,未計豪客食凸嗰啲,再加埋鼎爺啲商演同廣告嗰啲,賺千萬唔係難事。

不過,做還做,相信相比起鼎爺做馬術練同武打顧問嘅工作,家陣做「廚神」,一定好搵好多!儘管呢個「財神」嚟得遲,但鼎爺仲有心有力,長賺長有!

相關新聞:私房菜被踩場睇蝦仁炒蛋鼎爺親侍 多汁乞兒雞

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載