› 選擇地區
三藩市
紐約
洛杉磯
其他美國地區
香港 台灣 北美
 
2017年11月24日

父親明96歲生日 超蓮衫褲贈賭王

劉嘉玲、何超瓊、何超蓮跟前緋聞男友楊政龍、鄧紫棋(G.E.M.)等昨日在中環愛丁堡廣場為「光.影.香港夜」主持開幕典禮,之後眾人移師PMQ元創方出席慈善晚宴。

「六嬸係學習榜樣」

一身閃亮打扮登場的嘉玲透露聖誕要為上海的劇集開工,她指已有12年沒拍劇,問到早年拍亞視劇《影城大亨》中的角色是向方逸華借鏡?嘉玲說:「我好遲先知道演嘅角色同佢有關,六嬸係一位好上進、好進取女人,係我學習榜樣。」她已跟老公梁朝偉商量,會避開大節日去滑雪,她說:「人太多,而且大家都要宣傳賀歲片。」
何超蓮受訪時提到明日是賭王何鴻燊96歲生日,她說:「會喺屋企食蛋糕,好耐冇出街慶祝,唔想咁勞碌,屋企人夾份買衫褲鞋襪,天氣凍想佢暖啲。會同爹哋打牌,佢日日都打,同埋有指定生日蛋糕。」超蓮透露賭王不喜歡女兒的男友,問到是否不想女兒出嫁?超蓮說:「咁又唔好嫁唔出,今日同楊政龍同場唔會尷尬,唔好阻佢識女仔。」當記者要求超蓮跟楊政龍合照時,兩人表現尷尬,最後捉了在場的一位男士企中間合照。

G.E.M.應要求寫歌

G.E.M.替活動作曲填詞兼主唱廣東歌《Victoria》,今次是應超蓮要求趕工完成,她說:「極限挑戰,以前寫情歌,今次係有限制發揮。」另外,呂良偉夫婦對六嬸離世感到意外,因一個月前才見過對方,當時六嬸精神非常好,呂良偉說:「方姐喺電影有大貢獻,佢咁嘅年紀用咁嘅方式,一路走好。」
採訪:羅慧敏
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載