› 選擇地區
三藩市
紐約
洛杉磯
其他美國地區
香港 台灣 北美
 
2017年11月24日

譚炳文感激六嬸賞識

鄭國江(中)、譚炳文(左三)等將於來年舉辦音樂會。

譚炳文、鄭國江、李龍基、邵音音和大AL等一班前輩,昨日到尖沙嘴出席「音樂過來人唱遊金曲50年暨音樂過來人協會成立酒會儀式」,他們望來年舉辦音樂會為協會籌款。炳哥自稱有幾百首作品:「不過好多我都唔記得晒啦,記得嘅淨係得十首八首,到時演出嘅話都會上台唱幾首。」
炳哥對方逸華離世消息感惋惜:「佢係演藝界嘅巨人,以前邵氏嘅電影佢搵我配好多音,方小姐好賞識我,後來喺TVB亦對我好好。」而老拍檔李香琴近況,炳哥就表示久未聯絡,故不清楚。
另外,近年多為粵曲寫詞的鄭國江老師,表示為流行曲填詞機會不大:「大家都唔同年代始終有代溝,𠵱家年輕人講嗰啲潮語我都唔明,個個都話『貼地』,但我哋以前只會形容為衰到貼地。」

相關新聞:蕭若元爆方逸華契女變六嬸

夏雨前晚也緬懷六叔六嬸是「衣食父母」:「當年我仲喺訓練班,幫過方小姐伴舞,之後佢都做咗TVB事頭婆好耐。佢事事親力親為,喺六叔背後做咗好多嘢。」
採訪:曹家誠、卓寶花
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載