› 選擇地區
三藩市
紐約
洛杉磯
其他美國地區
香港 台灣 北美
 
2017年11月25日

蕭正楠儲錢送翠如百萬戒指

黃翠如蹺實蕭正楠打情罵俏,大晒恩愛。

蕭正楠和黃翠如昨晚情侶檔在沙田出席聖誕活動,兩人全程打情罵俏晒恩愛。活動上,聖誕老人搞氣氛給翠如送花,她說:「現實生活我唔鍾意收花。」蕭正楠表示會送仙人掌代替:「佢鍾意仙人掌,而且都襟擺,真係慳好多。」有指鄭裕玲在拍節目時,介紹蕭正楠買一枚價值百萬的戒指送翠如,他說:「等我儲吓錢先,翠如都唔係鍾意太貴重嘢。」翠如就笑說自己易養。

一個打八個

蕭正楠今年聖誕要拍劇無暇陪女友,翠如即許願:「希望聖誕有七個男人陪。」蕭正楠笑說:「我希望自己到時一個打七個,等佢願望達成唔到,我唔止打七個,我打八個,想連翠如都打埋。」翠如解畫指男伴是陸永、C君和洪永城等,蕭正楠搞笑謂:「照打,佢哋打少啲,打細力啲。」
此外,陳國邦為ViuTV拍劇兼宣傳,激嬲無綫,更被飛出旅遊節目《公公出埠》,蕭正楠說:「出發前先知佢冇得去,大家都唔想,合約嘢唔係好清楚,世界係圓,唔係咁就冇機會再合作。」
採訪:曹家誠
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載