› 選擇地區
三藩市
紐約
洛杉磯
其他美國地區
香港 台灣 北美
 
2017年11月25日

日夜操肌迎接首個紅館騷
陳柏宇守股「有橙皮紋」

【我們的演唱會】
有「隱世高手」之稱的陳柏宇出道11年終踏上紅館,將於下月2及3日舉行「陳柏宇SPEECHLESS演唱會2017」,為了紅館的第一次,他日操夜操變肌男:「個個好似去紅館跳脫衣舞,𠵱家個rundown好搞笑,有part備註寫住露波……但唔好露股囉,我股又唔係特別靚,又好明顯有個tan line,又有啲橙皮紋。」

畀晒首期要食屎

雖然獲網民和歌迷力推,但陳柏宇卻覺得自己踏上紅館是奇蹟:「比我唱得更加好、付出努力更加多嘅歌手,我好肯定有好多,我唔會因為上到紅館舞台覺得驕傲,反而覺得自己幸運囉,我已經贏咗㗎喇,一路有得唱落去,已經係bonus嚟。做歌手好似發緊一場夢,啱啱入行嘅時候,我話畀自己聽,如果喺三年之內,我唔能夠憑住呢個事業,搵唔到錢養到自己嘅話,我就唔做,因為我唔想連累到屋企人,我覺得唔公平囉。」
問到現在是否搵到錢?陳柏宇笑說:「OK,但未發囉,因為我未買樓就知乜嘢事,買樓要攞一千萬首期,就算我有呢條數,我畀咗你我食屎咩,我唔係發達,都未必可以買到樓。我當一個月儲十萬,我儲8年先買到樓,8年後死咗未都唔知啦!」

工作生活取平衡

對於返內地掘金,陳柏宇說:「我暫時冇呢個機會,但又唔恨嘅,因為返內地發展要放棄好多嘢,我做嘢為開心同樂趣,齋工作冇得享受生活,我唔覺得有樂趣;就算我呢一刻發咗達都好,如果我享受人生,以我嘅使錢能力,嗰啲錢應該可以好快使得晒。」
採訪:余燕儀、懷鈺
場地提供:King's Fitness

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載