蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年11月25日
馬上成為壹會員

【愛情DQ掣】
港女揀機師工程師 港男唔介意食軟飯

《愛情DQ掣》公開招募單身男女: http://bit.ly/2gTfvIV

《蘋果動》全新配對真人騷節目《愛情DQ掣》公開招募去到最後階段!我哋會透過報名人士定下嘅擇偶條件進行配對,並為每對男女安排一系列活動,等佢哋從互動中深入了解對方,話唔定仲會擦出愛火!如果想認識新朋友、或者尋找戀愛對象,點可以錯過呢個機會!

《愛情DQ掣》簡介
參加資格:參加者須年滿18歲及為單身人士
報名表格: http://bit.ly/2gTfvIV
報名方法:填妥參加表格、提交相片及自我介紹短片,以作配對用途,入圍者將有專人通知。
招募截止日期:2017年11月30日(星期四)
如有任何疑問,歡迎電郵 mailto:lovedqbutton@gmail.com 查詢。如有任何爭議,一概以蘋果日報有限公司之最終決定為準。

開講有話「有樓有高潮」,究竟港人對另一半嘅經濟能力係咪好有要求呢?我哋喺街頭訪問咗一班港男港女,發現唔係個個都係「有樓」至「有高潮」。先講理想收入,梁先生笑話:「收入會暗暗比較一吓。」仲話女友收入萬幾二萬蚊可以接受。李小姐同蘇先生都覺得對方收入二萬蚊係差唔多,劉小姐更期望對方有三至四萬月入。高小姐話唔介意對方收入少過自己:「可能佢而家人工唔算好高,但如果佢有上進心嘅,我覺得都OK。」

咁若然女方收入高過男方,男士們又點睇呢?蘇先生即刻表示:「咁都幾好呀,叫佢養埋我,我仲開心添,哈哈!」馬先生亦話:「我多謝佢啦,咁佢照顧吓我,佢叻過我嘛!」李先生亦接受到,因為「男女平等」咁話。林先生就冇所謂:「我主張財政獨立,所以唔會過問呢啲嘢。」

至於另一半嘅理想職業,劉小姐話:「鍾意機師,都係因為Chi Lam(張智霖)! 」林小姐就對工程師有情意結,「我覺得佢哋好似比較有責任心。」梁先生覺得如果女友係社工嘅都唔錯,「社工接觸啲case好難搞,其實我自己都真係好難搞嘅。」馬先生另有睇法,「識美術或者音樂嘅,會比較簡單同善良!」董小姐就鍾情「食腦」之人,「拍片、剪片,或者度橋,會諗嘢嘅男仔好吸引。」

咁係咪對方有車有樓先會有發展機會呢?劉小姐就話唔一定:「香港買樓都唔容易。」林小姐亦覺得有樓唔係最重要「呢個係bonus,如果佢性格唔好嘅,有車有樓都冇用啦。」董小姐更話:「我唔會睇呢啲嘢,有車有樓都未必啱傾!」

如果你自問有條件,但仲係單身,唔好諗咁多喇,立即報名《愛情DQ掣》,畀自己一個脫「獨」機會!

更多娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載