› 選擇地區
三藩市
紐約
洛杉磯
其他美國地區
香港 台灣 北美
 
2017年11月30日

獻身君如癲瘋之作
方中信變禿鎮宇瘀皮

方中信為營造喜劇效果,主動要求以地中海禿頭造型亮相。

吳君如繼《金雞》及《12金鴨》系列後,今個元旦推出首次自導自演新作《妖鈴鈴》,跟兩位舊相好吳鎮宇、方中信跨年迎2018。君如和鎮宇及方中信上一次合作,已是98年的《洪興十三妹》,及2000年的《茱麗葉與梁山伯》,為撐君如第一次做導演,二人自我奉獻,一口氣拍了40晚通宵戲,方中信更冒生頭瘡之險,戴禿頭頭套上陣,由型佬變禿。

拍攝考體力

鎮宇和方中信異口同聲指,今次拍攝是體力的挑戰,鎮宇邊展示手腳的瘀青,邊搖頭苦笑謂:「已經好多年冇拍通宵戲,最可憐係每日都有動作戲,體力差啲都頂唔順。其中有場戲,我要孭住隻女鬼一直跑,NG好多次,要一直再嚟過,真係我癲瘋之作。」
至於方中信就一改型佬外表,來個大突破,他說:「其實今次個角色造型係我自己要求嘅,我覺得既然要拍一個喜劇,就要連造型都要有喜劇效果。地中海禿頭加上濃密嘅胸毛,夠晒突破啦。我每日到現場化妝個半鐘,變身過氣蠱惑仔。」

執導壓力大

為求完美,拍攝時方中信都會親自梳頭,相當入戲,不過完美背後,頭皮因長時間被頭套套着而敏感。問到方中信會否效法君如做導演?他即耍手說:「唔會喇!做演員已經夠辛苦,再要管埋拍攝,壓力太大,所以君如真係好有勇氣。」
撰文:葉綠悠

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載