› 選擇地區
三藩市
紐約
洛杉磯
其他美國地區
香港 台灣 北美
 
2017年12月02日

袁偉豪旅遊節目再獵港姐
雙宋神劇定情結埋婚

「鷲哥」吳岱融同老婆鍾淑慧,當年合作三級片撻着愛火,日前就俾人見到佢哋喺大型家品店睇傢俬。

袁偉豪上年同岑杏賢分手,之後單身半年左右,就喺旅遊節目《打工捱世界II》,邂逅另一位港姐張寶兒。嚟緊係兩個人第一個聖誕節,袁偉豪話好想有時間二人世界。

羅天宇同湯洛雯拍《愛.回家》搵到真感情,拍拖4年嚟都玩低調,唔認戀情但就經常被影到四圍去。近呢幾個月終於了解完,行動越嚟越高調,除咗有指佢哋同居,羅天宇10月羅天宇生日party,湯洛雯就以女主人身份現身。

鄭嘉穎同陳凱琳就喺拍《殭》時日對夜對擦出感情,之前兩人分別話忙完台慶同年尾啲大型活動就去二人世界,不過喺月初陳凱琳先率先撇甩男友,同家人去咗日本。

至於征服好多人韓國男神宋仲基、女神宋慧喬,就喺神劇《太陽的後裔》撻着,直到今年7月先認拍拖兼公佈婚訊。兩人喺10月於首爾結婚,之後去咗度蜜月。宋仲基噚日就到咗香港,今日會出席《MAMA音樂頒獎禮》,現身機場時就見到佢戴住婚戒。

相關新聞:吳岱融陪老婆睇傢俬

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載