› 選擇地區
三藩市
紐約
洛杉磯
其他美國地區
香港 台灣 北美
 
2017年12月03日

子女病有起色 鍾麗淇囡囡識行
陳錦鴻陪囝囝媾女

已為人父母的陳錦鴻和鍾麗淇,面對身體有毛病的子女更倍加關心照顧。陳錦鴻與太太杜雯惠的10歲囝囝駕樺,兩歲時確診患上自閉症,錦鴻近年都半停工照顧兒子。昨日錦鴻罕有地一家三口到薄扶林協康會綜合服務大樓,為大樓內壁畫參與創作。

演壞人怕惹誤會

甚少帶囝囝出席公開活動的錦鴻說:「駕樺喺兩歲嘅時候確診患上自閉症,當時好彩得協康會幫手,所以每次佢哋有活動都會盡量出席,大家互相幫忙。」錦鴻指囝囝現時學習能力不俗,而近年半停工狀態的他,坦言一直有戲癮:「要好謹慎咁選擇角色,因為佢(兒子)諗嘢唔識得分,如果一陣見到爸爸喺電視入面做殺人犯、強姦犯,佢會以為係真,所以要過多幾年先。」錦鴻指囝囝一直有叫他工作,但有感囝囝正值青春期,希望多留身邊相伴。錦鴻笑說:「𠵱家佢開始話想拍拖,想識女仔,會注意自己儀容,仲同我講話第時想結婚生仔,我話好呀,係就最好啦,聽到開心晒。」

鍾麗淇六年前誕下大女Isabella,半歲時發現患上罕有基因病「四號染色體缺損綜合症」,意志力與身體較為遲鈍,需靠助行架才能獨自步行。昨日鍾麗淇在Instagram上載一段Isabella扶着助行架步行短片,囡囡在媽咪鼓勵下順利完成整段路程,鍾麗淇留言表示為女兒感到驕傲,大讚她是戰士公主。

鍾麗淇不會放棄

鍾麗淇昨受訪時指囡囡是首次成功用助行架行路,今次的進步,令她與家人都不敢輕言放棄。
採訪、攝影:嵐山、曹家誠

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載