› 選擇地區
三藩市
紐約
洛杉磯
其他美國地區
香港 台灣 北美
 
2017年12月05日

自稱香港冇人識
GOT7 Jackson互動溫柔演出勁

Jackson昨日單拖見港迷,唱solo歌時除衫騷肌。

韓國男團GOT7香港成員Jackson(王嘉爾)昨日撇甩隊友,單拖現身觀塘的見面會,吸引400名粉絲撐場,有粉絲提早九小時到場霸位,而Jackson媽咪及其好友亦有出席,Jackson更於鏡頭前肉緊咀媽咪,場面溫馨。

Jackson透露未來工作計劃是專注音樂:「因為經常主持綜藝節目,驚畀人覺得我只係一個搞笑嘅人。」問到有否覺得港迷特別親切時,他說:「其實全球粉絲都係咁親切,不過行香港會方便啲,因為冇人識。大家圍埋喺呢度先咁多人,其實平時行街唔會有人識我。」有粉絲從商場二樓拋下Jackson母校的校服,逗得Jackson勁開心。
Jackson之後跟粉絲玩遊戲,例牌握手及送抱。當他從後攬女粉絲及派心心時,表示自己很喜歡這個動作,將來有女友亦覺得會保護到對方,隨後他更搞鬼拉男主持做這個動作,場面hehe。玩完遊戲,Jackson就換衫表演solo歌《Papillon》,他充滿精力地四圍走,甚至企上凳,唱到除衫。

父母冇催婚

接受訪問時,現年23歲的Jackson被問到何時拍拖結婚,他說:「等我成功可以照顧到父母同工作人員先再諗,𠵱家忙到連瞓覺時間都冇。」他透露如果有機會,亦想拍香港劇集或電影,不過相比起偶像劇談情說愛的類型,他更喜歡武打戲。至於想跟哪位女藝人合作,他說:「咁我仲係新人,都未必到我揀,或者希望係由細睇到大嘅Stephy(鄧麗欣)、鍾嘉欣同Twins。」
採訪:文凱靈
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載