› 選擇地區
三藩市
紐約
洛杉磯
其他美國地區
香港 台灣 北美
 
2017年12月06日

【俠味道‧翁靜晶(5)】翁靜晶與母不睦
14歲反面出走

【俠味道.翁靜晶連載系列之2 悲慘童年】在越南出生的翁靜晶,生於破碎家庭,母親在她年幼時離家,最初她由父親照顧,後來因為當地戰亂,她再被安排來香港,主要由婆婆湊大,和媽媽的感情很疏離,媽媽對她要求則似軍訓,經常會打罵。翁靜晶表示,從來沒有忘記母親把她帶到寄宿學校那一天。

相關新聞:【俠味道‧翁靜晶(6)】越南出世翁靜晶點樣「攝」入條罅成為「新香港人」?

寄宿受虐

翁靜晶說:「因為呢刻生離死別,你會想攬下,但因為佢畀我嗰個教育就係軍訓,冇情感㗎,咁我就,『好啊,拜拜!』我就擰轉面。我知道佢一直望住我㗎,但我冇回頭 ,我唔知有冇人接番我走,我就咁樣行咗去。」
說到在寄宿學校的日子,翁靜晶指經常被虐待:「我俾個校長用板球棍,一支板球棍,打手板,打咗四十幾棍。」她又說:「因為我冇人嚟探我,我媽媽唔嚟探我,差唔多半年、一年咁樣。大部份小朋友,星期五、六就送去大會堂上車返屋企,但我係長年累月冇得返屋企㗎!」

寫信自救

當年翁靜晶想了自救方法,就是寫信給媽媽:「終於識字,就寫咗一封信,求個花王幫我寄出去,一封求救信,寄畀我阿媽,我就寫,『他們說我把花連根拔起,但是我沒有把花連根拔起。』因為我啱啱學咗『連根拔起』呢個成語,於是我就不停重複呢個成語,我話佢哋打我,咁媽媽收到呢封信之後,知道喇,就嚟救我。」
雖然和媽媽有好多誤解,但近年因為定慧寺事件,翁靜晶亦知道媽媽關心她,然而這麼多年她未有再回家,她說:「14歲嗰年我終極反抗,鬧番佢轉頭,我好大聲話我媽媽,仲要佢有朋友喺屋企,我話,『鬧鬧鬧!你淨係識得鬧!』我就講完呢句之後,就離開咗呢個屋企,到𠵱家53歲,都冇返過去喇!」

記者:嵐山、馮國康、倩宜
攝影:陳俊強

相關新聞:【俠味道‧翁靜晶(7)】父母離異翁靜晶9歲寄宿:一段好長嘅虐待過程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載