› 選擇地區
三藩市
紐約
洛杉磯
其他美國地區
香港 台灣 北美
 
2017年12月06日

【add時尚】要似家姐 Crystal跟Gaile入行

今次不是師妹,而是妹妹!
樂基兒(Gaile)24歲同母異父的妹妹Crystal(鄧欣韵)去年在美國名牌大學畢業,主攻經濟學的她,決定跟隨家姐步伐,入行做模特兒試一試,放眼世界。樣子有點像劉雯和中山美穗,Crystal覺得自己和家姐比較似,笑說:「不過,Gaile姐姐似係我妹妹多啲!」

採訪、撰文:林妙萍
攝影:周樂恒
化妝、髮型:Chris Lam
服裝提供:Harvey Nichols
鞋履提供:Stuart Weitzman

樂基兒妹妹Crystal身高174cm,同樣在美國長大,大眼長腿,樣子有點像內地超模劉雯。Crystal比樂基兒小足13年,樣子卻偏向成熟女性化,「Gaile姐姐好sweet,佢似我妹妹多啲。我哋兩個紮起頭髮會有少少似樣,佢以媽咪,我似爹哋。」至於像劉雯?「我唔係太知,如果似我好happy,因為佢好靚。」

簽同公司

Crystal在美國名牌大學聖地牙哥加州大學修讀經濟學,畢業後做了一年數據分析,趁住進修期,決定給自己多一個選擇,效法家姐入行做模特兒,亦簽約樂基兒經理人公司Calcarrie's。「由細到大,好鍾意睇住家姐做model,成日跟住佢,佢有時都會教我哋。記得細個時,佢同我哋講,做model時要學吓甫士,可以咁樣兩隻手叉腰,好似肚仔痛咁樣,好好笑。」Gaile入行20年,每年都會請假「冬眠」,就是返回美國三藩市跟媽咪、繼父及兩個妹妹一齊過聖誕、新年,「Gaile姐姐一返美國,就會帶我哋去食飯、去睇戲,total mom咁樣,好錫我哋。」她指Gaile給予的意見是「做番自己」。

鍾意美食

叫Crystal自評優點,她有點怕醜,「我唔係太知呢,可能高度都OK啦,我好鍾意fashion,好鍾意諗點樣present件衫。我已經讀完書,做咗一年工,𠵱家休假,可以試一試其他嘢。」讀經濟,Crystal亦是一個運動型女孩,平時溫書及宅在家打game,假日就去行山、攀石、冬天snowboard、與美食家的朋友四圍去搵餐廳試食。「我好鍾意香港,呢度啲人做嘢好快,香港又好多嘢食,至於有乜嘢工作,我都唔知,到時再諗,順其自然囉。」

Gaile奉陪

樂基兒有兩個妹妹Crystal和Salena,對Crystal選擇入行,她說:「只要佢開心就得,無論佢做乜我都會支持佢。As a sister,我都想佢自己成長,live her own journey。如果佢有任何嘢想知、有乜嘢意見想問,我幾時都會喺佢身邊。」
個性一向獨立的Gaile,對初人行的妹妹都照顧有加,早前兩姐妹一齊去澳門出席賽車活動。

Profile

Crystal 鄧欣韵
生日:1993年8月24日
年齡:24歲
身高:174cm
三圍:84、65、93cm
背景:樂基兒同母異父妹妹
學歷:聖地牙哥加州大學(UCSD)International Studies-Economics
經理人公司:Calcarrie's

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載