› 選擇地區
三藩市
紐約
洛杉磯
其他美國地區
香港 台灣 北美
 
2017年12月06日

【俠味道‧翁靜晶(6)】越南出世
翁靜晶點樣「攝」入條罅成為「新香港人」?

「我其實都係嚟自一個,比較破碎嘅家庭,咁我就好希望,喺我能夠嘅範圍入面,將我最大嘅愛,俾一啲永遠唔會出賣我嘅接受者。」

翁靜晶的家世,Google一下,唔難搵。家底,係有嘅,但父母緣薄,當翁靜晶兩三個月大左右,母親就離家,翁靜晶就由父親照顧。

挺尷尬的是,翁靜晶是越南華僑,在越南出世,適逢越戰。「喺個個戰火嘅時間,我哋嘅情況係好危險0架,尤其是你屋企請嘅工人都可能係越共嚟,最後證實喺我哋開始逃離嘅時候,原來屋企嘅司機同工人,都係潛伏好耐嘅越共嚟嘅,揸住支槍指住你個頭,但因為屋企對佢哋好,所以就放走咗咁解。」

想像畫面已是烽火連天,有得走梗係走。「我當時嚟香港,就係由我婆婆帶我嚟嘅,因為我婆婆係香港人,由越南接我返嚟,嗰時我係11個月大。」

翁靜晶是執業大律師,又是作家,寫過《危險人物》系列,說故事技巧一流,包括自己的故事,令人如親歷其境:「媽媽同我嚟到香港個閘口,講緊嘅係五十幾年前,香港海關唔係咁完善,大家喺度講緊邊個入得,邊個冇證唔入得嘅時候呢,我媽就將我從一條罅度遞咗俾我婆婆,咁就入咗嚟香港喇。」

入到境,只是個開始。「以前我哋讀書嘅時候,有一種叫做綠印身份證,大陸嚟香港冇身份嘅人啦、或者難民,都係攞綠印身份證。以前專門笑人,『你攞綠印0架?』咁我係攞綠印嘅,我攞綠印身份證攞到十幾歲,後來慢慢呢,證明到居住超過幾多年,我先至係變成香港永久身份。」

記者:嵐山、馮國康、倩宜
攝錄:馮峰、卓振輝
攝影:陳俊強

相關新聞:【俠味道‧翁靜晶(7)】父母離異翁靜晶9歲寄宿:一段好長嘅虐待過程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載