› 選擇地區
三藩市
紐約
洛杉磯
其他美國地區
香港 台灣 北美
 
2017年12月07日

寄自拍照擺烏龍入行
翁靜晶14歲賣汽水維生

【俠味道.翁靜晶連載系列之3 踏上星途】翁靜晶俠女形象深入民心,現職律師、又做過保險工作,亦曾是當紅女星。翁靜晶接受本報專訪時表示在12歲時,寄照片到周刊,機緣巧合下相片傳到劉芳剛導演手上:「嗰張自拍照係踩住單車,着住短褲。本來寄去周刊,佢會喺你個頭下面畫個身,可以選擇做嫦娥、太空人,但係就去錯咗製片部劉芳剛嗰度,令到我拍咗第一部電視劇。套戲叫做《年青人-風箏》,張國強做我哥哥。」

相關新聞:【俠味道‧翁靜晶(10)】拉埋細佬賣汽水維生 翁靜晶:有腦㗎嘛!

試鏡贏對手

翁靜晶自言14歲時跟媽媽鬧交後帶同弟弟離家出走,兩姊弟靠賣汽水維生:「冇工作能力都要搵,我搵咗個膠桶,買咗啲冰、買咗啲汽水,兩個人走去淺水灣度賣汽水。」汽水成本價一蚊,但因可愛又拖着弟弟,不少人都願意用三倍價錢買。
她透露跟弟弟準備回家時,遇到媽媽的好友陳欣健。當時陳欣健準備開拍《喝采》,叫她去試鏡。由當時擔任製片的香港小姐孫泳恩幫她化妝,演發羊吊,她堅持要真人示範而被陳百強(Danny)經理人看中,翁靜晶憶述他說:「佢話唔使再試,話我有性格。如果我流晒口水鼻涕試鏡,陳百強見到已經第一個驚咗先,所以呢個啱。」

唔覺自己靚

翁靜晶於第一部電影《喝采》已擔正做女主角,拍陳百強、張國榮和鍾保羅:「對張國榮認識唔多,係之後再拍《楊過與小龍女》,比較認識佢一啲,哥哥同Danny係完全兩個性格嘅人,我覺得哥哥好有天才、好有天份。」
經常被看中拍戲,但翁靜晶從來不覺自己漂亮:「我從來都唔係點化妝,好處係天然囉,冇整過容,唔覺得自己靚。」
採訪:嵐山、馮國康、倩宜
攝影:陳俊強

相關新聞:【俠味道‧翁靜晶(11)】寄張相就做咗演員 翁靜晶:從來唔覺得自己靚

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載