蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月08日

低V阿嬌食住男友
馬國明得獎同心穎分享

21,299

馬國明前晚到尖沙嘴出席「Yahoo搜尋人氣大獎2017」頒獎禮,憑劇集《降魔的》奪「人氣電視男角色」,他說:「好開心,攞角色獎,證明自己做出嚟嘅嘢有人睇到。」問到有否信心贏無綫視帝?他坦言:「一路都冇,你知啦,新加坡攞完又唔同馬來西亞,今晚攞完又唔同台慶有得攞。」問到有否跟女友黃心穎報喜,他說:「第一個已經同佢講,佢仲叫我enjoy the party,自己都有同其他人講。」

娜姐透視

有拖拍的鍾欣潼(阿嬌)着deep V裙性感現身,問到男友賴弘國會否詐型?阿嬌說:「當然啦佢都覺得性感,唔想我太性感,覺得俾人睇蝕。我要做嘢,冇辦法。」今年聖誕阿嬌要工作,問到怎陪男友,她笑說:「佢會就我,不過都幾肯定,佢會孤獨咁過。」有記者提議叫男友扮聖誕老人探班,阿嬌否決:「唔好,最怕cosplay,即刻減十分。」
憑《29+1》獲「本地電影」的周秀娜、彭秀慧、BabyJohn齊出席,娜姐着白色透視裙登場,令身旁的BabyJohn不敢直視。問到娜姐為甚麼不真空上陣?彭秀慧插嘴:「我都有問佢。」娜姐說:「𠵱家個年齡身體要緊,今晚活動喺海邊舉行好大風好凍,不過唔代表以後都唔性感。」

克勤掃獎

前日踏入50歲的李克勤就獲「本地男歌手」、「年度熱搜金曲」及「最具號召力香港男藝人」三獎:「今年係我23歲生日,校長譚詠麟都係25歲,我又點可以亂認幾多歲呢。」其生日願望是家人身體健康,並計劃明年跟家人到希臘郵輪旅行。
採訪:曹家誠
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載