› 選擇地區
三藩市
紐約
洛杉磯
其他美國地區
香港 台灣 北美
 
2017年12月10日

早年為養家乜都做
翁靜晶接官司 公義大過錢

【俠味道.翁靜晶連載系列之6行行都掂】翁靜晶日前接受本報連載專訪,談到其豐富的人生閱歷,現職律師的她曾做過演員、電台主持、保險從業員、作家等,甚至為生計代人織冷衫,她說:「16、17歲時,我遇到劉師傅(劉家良)就正式宣佈息影。我要證明畀你哋睇,我唔係貪佢乜嘢,我淨係想同佢一齊,後來冇幾耐就生咗小朋友。」
當了多年家庭主婦後,劉家良突然證實患上末期淋巴腺腫瘤,當時長女5歲,幼女僅兩歲,她頓感徬徨:「我當時係好驚好驚,喺嗰個時候,知道我要擔起一頭家。」

做保險有成績

在友人的介紹下,翁靜晶投身保險業,憑着不怕苦、不怕捱成為百萬桌會員資格,她沾沾自喜道:「你知唔知我第一批客係乜人?嗰時做明星,好多記者追訪你,到我做保險之後,我就纏繞番佢哋。開始搵到錢之後,我就諗不如我去讀書,咁我就發現我法律嗰科考得好高分,於是就入咗去香港大學校外進修學院,讀咗一個文憑課程。」
明星讀法律,翁靜晶坦承遭受不少白眼,這反而令她意志更堅定,以破紀錄成績畢業。有人會覺得做律師「錢」途無限,但她選擇為公義發聲:「呢個係做律師之前嘅決定,你決定究竟係想搵大錢,定係想做一樣嘢有使命感、等你退休嘅時候,仲有啲嘢講畀啲子孫聽。最賺錢嘅律師,應該係做一啲商業嘅嘢,而我去做嘅,多數係一啲囚犯福利嘅案件,好多時候都係冇錢收。」

當DJ好開心

當過多個行業,原來翁靜晶最喜歡做DJ:「因為唔使化妝,唔使着靚衫,淨係帶把聲去就可以。當時個節目好似叫《愛情女殺手》,都幾受歡迎,我擁躉多,嗰段時間好開心㗎!」
採訪:嵐山、馮國康、倩宜

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載