› 選擇地區
三藩市
紐約
洛杉磯
其他美國地區
香港 台灣 北美
 
2017年12月10日

祖兒玩側田 慳Set頭錢

側田一連兩場紅館演唱會前晚開鑼,嘉賓是他的女神容祖兒。祖兒問側田請她做嘉賓的原因:「我又唔係同你好熟,連飯都未食過。」側田即解釋說:「我一向當你係女神,仲收藏你嘅海報。」

羨慕師兄

祖兒聽到側田指貼了自己的海報在天花板,即刻追問:「用嚟做乜?」側田竟然說:「我真係好羨慕師兄(劉浩龍)!」令祖兒超尷尬:「俾你過咗一戙!不如我講吓點解會應承做側田嘅嘉賓,如果有一日我開唱片公司,我第一個會簽側田,佢係一個多功能歌手,仲可以慳埋整頭髮錢。」
側田全晚穿上有帽衫,他指今次這個騷記錄了他12年以來三段過程,由最初好好彩、好運到好開心,第二階段有少少傷感,因為側田稱是迷失時期:「音樂上有重複感覺,係為咗市場作歌,其實呢個起點係錯,應該從心寫歌,自己跟住冇靈感去咗北京,唞咗三年返嚟,𠵱家refresh。」唱快歌時,舞蹈員不停摸側田又揭起他的衣服,更一度摸他下體,側田就用手遮住。
採訪:王連連
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載