蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月10日
馬上成為壹會員

余文樂明年中做爸爸
王棠云舊愛送祝福

之前《蘋果》已率先爆料,指當時仲未係余太嘅皮帶大王千金王棠云(Sarah)有喜,仲拍到女方來港,由女性友人陪同下到中環睇醫生。當時余文樂就笑稱係女友陪朋友睇醫生至係。

開心事加人生大事,余文樂都好想同大家分享,只係要等適當時機。自言好喜歡小朋友嘅余文樂,突然在IG貼圖宣佈已婚,昨日有周刊更報道指據知Sarah預產期係明年6月。

報道話喺拍拖初期,余文樂已經有結婚嘅打算,佢仲曾經講過,如果佢唔係做呢一行嘅話,可能唔到30歲就已經結婚,因為佢好鍾意小朋友,亦好想有自己嘅家庭,最緊要係搵到一個同佢共同想法嘅另一半,結果終於實現咗呢件事,難怪佢話:「在對的時間,遇到對的人,感謝上天把最好的妳安排在最好的時候出現。」

另一方面,昨日台灣《蘋果日報》報道話,王棠云嘅前度,即係籃球明星男友毛加恩,俾人影到同女友拍拖。對於前度王棠云結婚一事,毛加恩話:「祝福她,能找到好的對象,也替她爸媽開心。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載