蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月12日

靚靚新片再拍鎮宇舐舐脷
古仔演技 嚇窒張達明

13,198
張達明扮老翁與古仔(左)演戲,讚古仔演戲有進步。

影壇近年都改稱古天樂為「古老闆」,因近年香港開拍的電影,大部份不是由他背後出資,就是由他主演。不過最近由張達明監製、編劇兼演出、邱禮濤執導的黑色幽默電影《家和萬事驚》,古仔雖然有份演出,但沒有投資,昨日他聯同主演的吳鎮宇和袁詠儀(靚靚)等在觀塘月華街公園參與開鏡拜神儀式。

之後要坐輪椅

抗癌四年,達明終於戰勝病魔逐漸康復,更已復出做棟篤笑及拍電影,今次監製和主演《家》片,是得到好多朋友幫助,他特別對古仔讚不絕口:「原先冇諗住演,今次係鎮宇叫我拍,我手腳都麻痹,個戲都係做呢個角色,橫豎之後都要坐輪椅,𠵱家試吓先,啲頸紋都係真,冇乜演員有。」
達明指原先舞台劇版其角色是由女演員演出,當年在舞台劇界更奪得最佳女配角,對於是次能否問鼎獎項?他說:「今次睇古仔帶住我哋啲戲,佢有幾場戲都好勁,有幾場戲諗住嚇佢,調轉俾佢嚇番,好感動。」古仔指《家》片是反映社會現狀的黑色幽默故事,他說:「同達明合作已經係好大嘅發揮,今次冇女演員陪伴我,我主要係同藝術品拍。」

陣容似賀歲片

久未拍戲的靚靚,相隔十多年後再與吳鎮宇合作,靚靚指雖然是撐監製達明,但沒有減片酬,鎮宇笑言:「達明都做到監製,老闆一定好有錢,又唔係達明投資,唔使收順啲。今次可能係佢監製或復出最後一部戲,所以都碌晒人情卡,好似拍賀歲陣容。」靚靚在旁笑說:「除咗鍾意齣戲劇本,主要想再同鎮宇合作。」鎮宇聽後哈哈笑回應:「個個女演員都係咁講,食過翻尋味。」靚靚表示:「仲要舐舐脷。」
採訪:張俊銘
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載