› 選擇地區
三藩市
紐約
洛杉磯
其他美國地區
香港 台灣 北美
 
2017年12月14日

老撾體會教育醫療缺乏
徐子淇四母子 合力助貧童

恒基千億新抱徐子淇早前以香港救助兒童會贊助人身份去老撾,今次更與十歲大女李晞彤(Leanna)、八歲二女李晞兒(Hayley)與六歲兒子李俊熹(Triston)同行,四人去了當地鄉郊地區小學、流動診所及醫院探訪。子淇與兩名囡囡穿上當地紅噹噹民族服裝,三名子女與當地兒童一同玩耍。

學懂更加珍惜

子淇到當地一間小學探訪,獲小朋友熱情款待為她搞歡迎會,更分享因生活條件困難,而利用水樽、樽蓋和小氣球自製成玩具車,舉行模擬賽車比賽。Leanna表示體會到當地設施不足:「睇到佢哋要自製臨時水龍頭洗手,唔似我哋咁方便,我學會更加珍惜。」Hayley就指:「學校只有三個老師,所有年紀嘅小朋友要一齊上課,無分班級。雖然我哋唔識佢哋語言,但同佢哋一齊睇圖畫,都好高興。」對於今次探訪,子淇見到子女同當地小朋友打成一片,直言感動,但亦感觸當地小朋友在營養、教育及醫療方面都缺乏,老撾兒童相比香港小朋友的身形明顯細小。

目睹出生感觸

此外,子淇跟義工探訪醫院,與醫務人員交談後,知道好多BB營養不良,死亡率高,她說:「有啲迷信家庭更唔會為BB改名,驚佢哋不幸夭折,會覺得好難過、唔捨得,我探訪轉介醫院時感觸良多,親眼目睹兩名BB出生,亦睇到有孕婦喺懷孕晚期流產嘅悲劇,令人心痛,救助兒童會就同社區、鄉村嘅領導合作,教育年輕媽咪喺懷孕期間點照顧自己,同去醫院分娩嘅重要性,因為當地好多婦女嘗試自行喺屋企分娩,而導致意外。」
撰文:唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載