蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月15日

老婆囡囡嚟會搞亂檔
華仔封劉博士

19,972

現年56歲的劉德華在演藝界打滾三十多年,事業成就有目共睹,同時關注公益事業的他,昨日獲樹仁大學頒贈「榮譽文學博士」學位。除此,終審法院非常任法官、大紫刑勳賢陳兆愷法官,昨日同時獲頒成為「榮譽法學博士」。

心情激動

華仔與其他獲頒贈學位的人士齊齊步入大禮堂時,在場即傳來熱烈歡呼聲,已穿上博士袍的華仔首先獲頒贈學位,主禮人花了15分鐘介紹他對演藝事業,以及在公益事務上的成就,其間華仔一直垂低雙手擺在身前,不時向台下微微鞠躬。之後華仔在學務副校監胡耀蘇手上接過「四方帽」再戴上,其後華仔一度走近台邊,台下再度歡呼,正當大家以為他會發言時,華仔即說笑:「放心!我係唔會講嘢嘅!」
華仔接受傳媒訪問,被問到榮升「劉博士」可會飄飄然?他說:「冇,但一路聽到自己做咗咁多嘢,自己都唔知,都有啲激動,但其實今次想做一個role model畀年輕人知。」至於為何不帶囡囡及太太來觀禮?華仔笑言:「帶佢嚟搞亂檔,而且囡囡要返學。」華仔續謂將來都會繼續做慈善事,但最重要幫自己行業好好傳承文化,如廣東歌、電影和粵劇。至於會否希望囡囡都成為博士?華仔打趣謂:「呢啲太遠喇!如果到時係,請你哋嚟啦!」

驚咗騎馬

工作方面,華仔表示過農曆年再作打算,至於有否被太太勒令不能接騎馬戲?他笑言:「我幫你哋問吓啦!但其實自己都有少少陰影,暫時應該唔會,仲有啲驚,今次係好彩,睇番以前騎馬片段都有啲驚,如果真係有咁嘅戲份,都要用替身。」笑問華仔有博士名銜會否加片酬?他即講笑說:「得㗎咩!對票房冇幫助㗎?但係咪可以吸引啲學生嚟睇吓博士點演戲?咁可能有得加喎!」
採訪:曹家誠
攝影:陳慧安、馮嘉銘

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2018 AD Internet Limited. All rights reserved. 版權所有 不得轉載