› 選擇地區
三藩市
紐約
洛杉磯
其他美國地區
香港 台灣 北美
 
2017年12月17日

患重型地中海貧血曾遭悔婚
C君護前女友:佢唔係嫌棄我病

組合農夫近期人氣好旺,成員之一嘅C君(鄭詩君)日前接受周刊訪問,提到自己出世嗰陣已經患有重型地中海貧血,每個月都要入院輸血,同時亦提到佢喺12年本來女友Gloria結婚,點知喺結婚前夕,女方突然悔婚出走,之後Gloria搭上C君好友,搞到C君情緒崩潰。

C君喺訪問度亦都提到呢件事,佢再三強調係誤會,雖然佢哋已經分咗手,不過佢都要講番句公道話,C君話前女友一直都冇因為佢有病而嫌棄佢,只係嗰陣大家都未成熟,再加上結婚係一時衝動,但係唔算係臨時縮沙,因為籌備結婚嘅事都未開始,C君話件事對佢嘅打擊一定會有,不過佢仍然相信愛情,相信婚姻。

o依家C君同港台DJ黃天頤拍咗拖幾年,佢話大家相處得好好,雖然大家未有計劃結婚,但係都朝住呢個目標進發,希望大家嘅感情一直都咁好。C君仲話本身好鍾意小朋友,如果結婚生仔嘅話,都去認真考慮同做多啲檢查,始終照顧小朋友係一件容易嘅事。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載