› 選擇地區
三藩市
紐約
洛杉磯
其他美國地區
香港 台灣 北美
 
2017年12月21日

2011年拍綜藝撻着
Patrick Sir關宛珊 深圳平買婚紗揭已婚

【爆相爆片】
現年32歲美味天使「蜜瓜」關宛珊被「補習天王」林溥來(Patrick Sir)俘虜做人妻,日前他們到深圳試平價婚紗被讀者「爆相爆片」分享,原來兩人臨近七年之癢,早前蜜遊墨爾本時,Patrick Sir在水中向女友求婚成功。昨日關宛珊被問到買婚紗時,她自揭兩人已在關島註冊,已是人妻的她揀到深圳買婚紗是補影婚照。

相關新聞:水中求婚好浪漫關宛珊驚爆已低調嫁Patrick Sir

入行九年的「蜜瓜」關宛珊只認過現年40歲的「補習天王」林溥來(Patrick Sir)是男友,11年兩人到日本拍《勁食日本一》撻着墮入愛河,翌年已公開戀情,趁七年之癢前拉埋天窗,日前兩人秘密到深圳試婚紗,被讀者白小姐透過「爆相爆片」分享喜事。
白小姐接受電話訪問表示:「嗰日喺深圳婚紗店見到Patrick Sir同關宛珊,女嘅喺度揀婚紗,男嘅全程坐埋一邊撳電話,之後婚紗舖啲職員都好識做,叫佢哋到上面嗰層慢慢揀,話上面嗰層冇人,關宛珊臨走過嚟指一指我件婚紗,同職員講話要改呢隻布,見佢哋都有做畀錢之類嘅動作,不過唔知揀咗邊件。如果真係結婚嘅話,真係恭喜佢哋!」

「警戒周圍望」

相中所見,着牛仔衫襯闊腳褲的關宛珊赤腳揀婚紗,指手畫腳問男友意見,白小姐表示:「佢哋應該唔係第一次上去,女嘅揀完會嗌過去問男朋友,男嘅話之前嗰件好啲,可能本身揀好咗。」問到兩人有否拖手?白小姐說:「見Patrick Sir會主動攬女朋友,男仔警戒心高啲,不時周圍望,冇諗到佢地都會上深圳做婚紗咁低調。」

相關新聞:【教學起家】補習天王變主持

深水埗搵布

為甚麼去深圳試婚紗?關宛珊笑說:「我睇到同一件婚紗,呢間公司比起美國一個網站平5倍,都係made in China,仲可以度身訂做任改,咁我做咗件婚紗返嚟,再去咗深水埗棚仔搵布,再搵香港嘅designer幫我加加減減,自己以前係讀時裝形象設計,重拾番返學做project嘅感覺,覺得好有意思。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載