› 選擇地區
三藩市
紐約
洛杉磯
其他美國地區
香港 台灣 北美
 
2018年01月05日

警司三弟上門發現 
張衞健二弟 沖涼家中倒斃

張衞健(Dicky)的前經理人胞弟張衛彝(Henry)一人獨居在上水古洞歐意花園一間獨立屋,前日下午被發現在寓所昏迷不醒,當時警員及救護員到場,證實Henry倒斃在家死亡,終年50歲,案件並無可疑,死因仍須調查。據報,因一家人多次聯絡Henry不果,於是由張衞健三弟、現任職警司的張衛基上門查探,結果未有人回應,於是報警。

相關新聞:追2,000萬經理人佣金

張媽媽鎮定

本報向Dicky求證其弟死訊,他在電話承認:「係啊,我𠵱家唔方便講住,有好多嘢搞緊,希望你諒解。」問到其家人及媽咪情況?Dicky表示:「媽咪OK,有心,我做埋啲嘢先。」之後Dicky再致電本報記者,講述其弟離世情況:「佢喺屋企發生一個意外,佢喺浴室沖涼暈咗,應該喺冇痛苦下走咗,媽咪好鎮定、好堅強、好叻、好豁達,每人都有嚟同走嘅一日,如果可以喺冇痛苦下方式離開,都係好事!」據知Henry生前有其他健康問題,要到醫生處覆診。

Henry早年曾患抑鬱症,原本於90年代起擔任Dicky的經理人,也因病要暫停工作,有指Dicky為照顧細佬,每月照樣支付3萬元給Henry。其後Henry接受訪問時,卻指Dicky拖欠其擔任經理人13年以來2,000萬佣金,家人自此與Henry甚少聯絡,不過其後兄弟和好,而肇事上址的獨立屋,亦是Dicky與母親聯名持有。
此外,本報聯絡Dicky好友梁漢文,他在電話表示:「我唔知乜事,呢排忙到七彩,冇見面,我聯絡佢了解吓先。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載