› 選擇地區
三藩市
紐約
洛杉磯
其他美國地區
香港 台灣 北美
 
2018年01月05日

克勤四台14.5獎豐收
Eason串燒冧歌 奪港台男歌手

【第40屆十大中文金曲】
港台「第40屆十大中文金曲—我和你音樂會」昨晚假Star Hall舉行,今屆頒獎禮玩「斬件」上,包攬第一個和最後一個,上月搶頭啖湯先頒發部份獎項,昨晚壓軸再頒餘下的八個大獎,陳奕迅(Eason)驚喜現身掃獎,跟李克勤在港台各奪五獎平分秋色,總結四台頒獎禮成績,李克勤橫掃14.5獎成為終極大贏家。
Eason在校長譚詠麟手上領全國最佳男歌手、最優秀男歌手和全球華人至尊金曲獎,一再上台的Eason笑說:「好似replay,好多回憶,香港歌手多機會去內地、星馬、美加、台灣做騷,返嚟屋企最開心,希望遲啲五月天、張靚穎唔係香港歌手都嚟支持我哋。」司儀打蛇隨棍上問會否每年見到你?Eason支吾說:「多元啲好,多啲人玩。其實𠵱家做歌,我冇乜在意以後發展,呢隻歌係香港人幫我做,最緊要歌手喺台上面玩得過癮,做足功課唔怕緊張。」

城城唱跳金曲

而克勤憑《失魂記》獲全國最佳中文歌曲獎,被問到親人有腦退化唱這首歌特別有感觸,他說:「婆婆都有呢個問題,佢唔係好認得我!」跟着再攞金曲40全球傑出歌手獎,克勤笑說:「嘩!呢個好勁,我唔敢當,我會繼續緊守崗位做多啲廣東歌,我係廣東歌起家。」

由於今年是廣播90周年,歌手唱出集體回憶,做爸爸後首次踏舞台的郭富城,又跳又唱《對你愛不完》等金曲,全場打拍子歡呼。城城說:「我踏入樂壇第一個獎,係92年港台頒畀我新人獎,帶畀我好多動力同鼓勵。」
多位後輩歌手都有在台上演唱經典金曲,包括鄭欣宜、Gin Lee、JW、許廷鏗、陳柏宇、周柏豪等,但現場反應不及前輩蔣志光和韋綺姍合唱經典歌《相逢何必曾相識》熱烈。
採訪:馬建華、盧妹
攝影:陳俊強、葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載